अॻियें सालि
बहारुनि जो नीलामु
बंद इश्तिहार जे कयो वियो
हिन सालि
पन छणि जे ठेके लाइ
टेंडर घुराया विया आहिनि
पुलिस जी माली हालत सुधारण लाइ
दारूबन्दी तमाम ज़रूरी
समुझी वेई आहे
कमान हिक खे ॾिनी वेई आहे
तीर ॿिए खे
कुरिसीअ ते हिक खे
विहारियो वियो आहे
फै़सिलो ॿिए जे हथ में आहे
घणनि सियाणनि सां
देसु मथे न खॼन्दो
घणनि नादाननि सां
देसु अॻियां न वधन्दो
सियाणनि सां मुल्कु भरियो पियो आहे
त
नादाननि जी भी
कमी कान्हे!