ज़िन्दगी बेमाना आहे
सभिनी सियाणनि चयो आहे।
आतमहत्या करणु कमज़ोरी आहे
सभिनी सियाणनि चयो आहे।
मां
उन्हनि नादाननि मां आहियां-
जे अञा बुड-तर में आहिनि
जे जिआं थो
त बि
ॿिए जे फै़सले ते
जे मरां थो
त बि
ॿिए जे फै़सले ते।
मूं
रामायण महाभारत पढ़िया कोन्हनि,
तॾहिं बि
ही महाग्रन्थ
मुंहिंजे ख़ून में मिली विया आहिनि
कामूंअ जे ‘मिथ ऑफ़ सिसीपस’
शेक्सपीयर जेा ‘हैमलेट’
मुंहिंजे ज़हन खे चंबुड़ी पिया आहिनि।