ज़ाहिरनामो
तैयार आ फ़क़त तो लाइ
जेके बि क़ाइदा क़ानून आहिनि
हिन मेंदर्ज थियल
फ़क़त तो लाइ आहिनि
मूं ॼाणी वाणी बणाया आहिनि तो लाइ
जीअं तूं ई अमल करे सघीं
मूं पंहिंजे बचाव लाइ
छॾिया आहिनि के हिस्सा
जे कॾहिं बि, कंहिं वक़्ति बि
सुधारे सघिजनि था
फेराए सघिजनि था
अमेंडमेन्टस् करे
किनि तारीख़ुनि जे तइशुदा हिस्सनि में
ज़रूरी फेर-फार आणे सघिजे थी
किनि खे फ़ाइदो पहुचए सघिजे थो
किनि किनि खे
नुक़सानु बि,
सुवालु रुॻो तारीख़ुनि जो आ
किनि वॾनि दिमाग़नि जे अकुल जो आ
तोखे नुक़सानु पहुतो त का वॾी ॻाल्हि न आ
छो त इहा परमपरा आ
वॾनि खां विरसे में मिलियल आ
हर तारीख़ बि
सांडे जियां रंग बदिलाईन्दी आ
हीउ त क़ाइदो आ
माण्हू त न आ
रुकियलु, मढ़ियलु, ठाहियलु, बीठलु
फ़क़त फ़ाइदे ते आ!