गीत / रत्नाकर पण्डित

(सत्रौं शताब्दीको पूर्वार्धतिर)

दुईमाना तिलखुडा दिनान् तीनमाता तोडाका
उईपनि आछिन भन्नान् पन्ताली ओडाका
 X X X
सुर्तानका ओथिकी जाई नाथिन सौज्यालकी
कापुडो रैछ ढकन्यालाई सांप्याली छौत्यालखीं
X X X
साटिका सिंगाडा मनि एकलै गनहडया
मनहडया मडयापछि खेलन्या जनहडया
X X X
डोटी राम्डो डंडेलधुरा अछाम राम्डो सांप्या
मान्छे राम्डो मनमिल्याको पन्छी राम्डो डांफ्या