मेरो झण्डालाई
तिमीले बात लायौ
लात पनि हान्यौ
घुस्सामुक्का
जेजे सक्थ्यौ
त्यही त्यही गरिरह्यौ
चोकचोकमा जलाउने
दुस्साह पनि गर्यौ
मेरो अमर झण्डा !
मैले खोकिलामा
मेरो झण्डा थन्काएँ
झण्डा जोगाउन
खोकिलै लुकाएँ मैले ।
भरखर थाहा भो
तिम्रो झण्डा त
राक्षस पो रहेछ
राष्ट्रभक्षी महाराक्षस।
त्यसैले यतिबेला
मेरो झण्डा
खोकिलाबाट निस्केर
सिमानामा पुगेको छ
मेरो झण्डा त
धारिलो खुकुरी नै रहेछ ।
हेर त !
अहिले धमाधम
महाराक्षसको घाँटी रेटिरहेछ
मेरो झण्डा !