काम करी केॅ ऐलै माय
नुनुआ तावतक गेलै भुखाय
खेली केॅ थक्की गेलोॅ छै
ममता सें कहलक हाय हाय
बहत खेल देखलैलें बेटा
धूरा बदन लगैलें बेटा
लपकी केॅ नेहोॅ दुलार सें
चूमी लेलकै ठोर प्यार सें
नुनुआं खुसी सें डोलेॅ लगलै
दूधोॅ लेॅ मूं खोलेॅ लगलै
धूरा भरलो गोद उठैलकै
भेंटुआ झट मुंहों में देलकै
दूध पियै खन बोलै नुनुआं
दुसरो दुधू टटोलै नुनुआं
जैसे दूध पिलाबै गैय्या
वहिने लगै छै नुनु रोॅ मैय्या
लेरू चाटै जेा केॅ गाय
नेह वहीना बांटै माय