पपीहा बोलि जा रे !
हाली डोलि जा रे !
बादर बइरी<ref>वैरी, दुश्मन, शत्रु</ref> रूप बनावयिं
मारयिं बूँदन बान।
तिहि पर तुइ पिउ-पिउ ग्वहरावइ
हाँकन हूकु न, मानु।
पपीहा बोलि जा रे !
हाली डोलि जा रे !
तपि-तपि रहिउऊ तंपता साथी
लूकन लूक न लागि।
जागि रहे उयि कहूँ कँधैया
दागि बिरह की आगि।
पपीहा बोलि जा रे !
हाली डोलि जा रे !
छिनु-छिनु पर छवि हायि न भूलयि
हूलयि हिया हमार।
साजन आवयिं तब तुइ आये
आजु बोलु उयि पार।
पपीहा बोलि जा रे !
हाली डोलि जा रे !
शब्दार्थ
<references/>