1,195 bytes added,
03:33, 18 अक्टूबर 2013 {{KKGlobal}}
{{KKRachna
|रचनाकार=गौरीशंकर प्रजापत
|संग्रह=
}}
[[Category:मूल राजस्थानी भाषा]]
{{KKCatKavita}}<poem>एकटक
देखतो हो म्हैं
जगती उणरी
माटी री काया नैं।
काया जिण मांय
हो काल तांई वासो
इणरी आतमा रो।
चारूंमेर सोग मांय दीसै
उणरा घरवाळा
जिका देया करता हा
फगत अर फगत ओळमा-ताना
ऊमर भर इणनैं....
आज रोवै वै किणनैं
इण माटी नैं
का उण आतमा नैं....
आं लोगां रो रोवण
छेकड़ किण खातर
बखाणै जिका गुण
वै किण रा हा
छोडगी जिको सरीर
उण आतमा रा
का सिळगै लाय में
आ माटी उण रा!
सरीर रो कीं मोल कोनी
मोल होवै आतमा रो।
</poem>
Delete, Mover, Reupload, Uploader