1,190 bytes added,
09:53, 4 मई 2015 {{KKGlobal}}
{{KKRachna
|रचनाकार=निशान्त
|संग्रह=धंवर पछै सूरज / निशान्त
}}
{{KKCatKavita}}
{{KKCatRajasthaniRachna}}
<poem>
बस चाली नै
आध-पोण घण्टो ई होयो हो
अर इत्तो ई टेम
और लागणो हो बीं सफर में
बां खोल लियो टिफन
टाबरां ल्याड़ लिया हाथ
साग में
कन्ने बैठ्यो म्हैं डर्यो
अर टोक्या बानै-
थे इत्ता मोड़ै बस में चढ्या
फेर ई भूखा ?
बां कैयो-
टाबर मानै कोनी
घरां खावै कोनी
पण ओ कोई
पुख्ता पड़ूतर नीं हो
म्हैं देख्यो-
टाबरां थोड़ो अर बां घणो खायो
छोटियो टाबर तो साफ नटै हो
बै बीं रै मूं में
धिगांणै गासिया देवै हा।
</poem>
Delete, Mover, Protect, Reupload, Uploader