1,753 bytes added,
07:01, 23 जुलाई 2018 {{KKGlobal}}
{{KKRachna
|रचनाकार=[[लक्ष्मीनारायण रंगा]]
|अनुवादक=
|संग्रह=सावण फागण / लक्ष्मीनारायण रंगा
}}
{{KKCatGhazal}}
{{KKCatRajasthaniRachna}}
<poem>
म्है तो पाणीं रा आखर हां मिट जासां
म्है तो बाळू री लै‘रां हां मिट जासां
अकास गरीबी री अगन सूं जळतो पानों
दुख-बादळ रा दसखत हां मिट जासां
खेजड़ी री सांगरी ज्यूं चुटै आ जिन्दगी
सांसां रा सूखा खोखा हां खिर जासां
जीवण रै जंगळ भटकै तिरसा मिरगला
आसा-दरपण रा चै‘रां हां मिट जासां
बिन रोटी रै तवै दांई जळ री जिन्दगी
भूखी भींतां रा छापा हां मिट जासां
लू रै लपकरां दांई गुजर री आ जिन्दगी
सांसां-संतरंज रा मोहरां हां पिट जासां
तीखा कांटां सूं बिंध्यो बाग रो रूं रूं
फूलां रै लोई रा छाटां हां मिट जांसां
जन-जीवण बण्यो राजनीति री चौपड़
वोटां बिकयोड़ी गोट्यां हां पिट जासां
</poem>
Delete, Mover, Protect, Reupload, Uploader