1,369 bytes added,
17:21, 24 जुलाई 2018 {{KKGlobal}}
{{KKRachna
|रचनाकार=राजेन्द्र जोशी
|अनुवादक=
|संग्रह=कद आवैला खरूंट ! / राजेन्द्र जोशी
}}
{{KKCatKavita}}
{{KKCatRajasthaniRachna}}
<poem>
बिरखा आई का कोनी आई
सवाल औ कोनी!
बिरखा कित्ती बरसी, थोड़ी कै घणी
सवाल औ भी कोनी।
बगत माथै नीं आयी बिरखा
निसरग्यो सगळो बगत
अबै छलीज्या है सगळा ताळ-तळाब
हुवो भलांई अबै आं मांय
छपक-छपक।
सुपना नीं आवै इण बेटैम री बिरखा सूं
नींद री टैम नींद घुळै कोनी
सुपना बणै कोनी
अेकली पड़ी बरसै आ बेटैम री बिरखा
खेत भरै कोनी।
बिरखा रो धरम हुवै बरसणो
टैमसर बरसणो
नीं तो किरसा सूं रळै कोनी
खेत भरै कोनी
बिना टैम री बिरखा बरस्यां
सुपना आवै कोनी।
</poem>
Delete, Mover, Protect, Reupload, Uploader