1,763 bytes added,
18:26, 23 अगस्त 2018 {{KKGlobal}}
{{KKRachna
|रचनाकार=ललित कुमार
|अनुवादक=
|संग्रह=
}}
{{KKCatHaryanaviRachna}}
<poem>
'''तेरे प्यार मै पागल होगी, रोटी तक ना खाई,'''
'''सारी रात रही लौटती, नींद तलक ना आई || टेक ||'''
अग्नि देव सा रूप तेरा, क्यूँ चेहरे पै छाई उदासी,
राणी बणन की नहीं जरूरत, मै रह्ल्यु बणकै दासी,
मैं तेरे प्रेम की घणी प्यासी, क्यूँ इतनी वार लगायी ||
न्हा-धौकै सिंगार करू, पहरु कंठी माला मै,
या कोडिया के भा की दासी, तोल दई लाला मै,
आज रात नृतशाला मै, तू कर लिए मन की चाही ||
पांच पतियों से मनै डर लागै, मेरी करै काटकै ढेरी,
उन पांचो नै दे मार एकबै, फेर बहूँ बणू मै तेरी,
आकाश मै वै काटै घेरी, मेरै सिर चढ़ज्या करड़ाई ||
जब तक जीवै मेरे पति, न्यू रहणा हो डर-डर कै,
जै उननै जाण पाटज्या, मेरा पांडै छूटै मर कै,
ललित कुमार नै भक्ति करकै, करी प्रसन्न दुर्गे माई
</poem>