{{KKGlobal}}
{{KKRachna
|रचनाकार= कृष्ण पाख्रिन
|अनुवादक=
|संग्रह=संत्राससन्त्रास / कृष्ण पाख्रिन
}}
{{KKCatKavita}}
{{KKCatNepaliRachna}}
<poem>
अलिकति मन त हो
माता भने पनि
पिता भने पनि
अलिकति म राख्छु
हाम्रो अंशबन्डा त्यही हो
मान ! तिमी मान !!
मसँग अरु के नै छ र ?
अलिकति माया – अलिकति स्नेह
जिन्दगीमा बाँडिराखौं !
मनै त हो तिमी
मनै त हो मपनि
तिमी मृत्यु पाउँछौं
म गए पनि यौटै मृत्यु पाउँछु !
भन तिमी ?
म कहाँ जाउ ??
त्यही पर्खालमाथि
जिन्दगी बेसुरले कुदाऔं
केही छैन – केही छैन – केही छैन
मैले मन बिसाउन चाहँदा
अलिकति मन त हो.................. ।
अलिकति मन त हो...................।
</poem>