1,638 bytes added,
06:41, 15 अप्रैल 2020 {{KKGlobal}}
{{KKRachna
|रचनाकार= [[गीता त्रिपाठी]]
|अनुवादक=
|संग्रह= नृशंस पर्खालहरू / गीता त्रिपाठी
}}
{{KKCatKavita}}
{{KKCatNepaliRachna}}
<poem>
शब्दको खेतीमा
फट्याङ्ग्राहरू रमाउन थालेपछि
दानाहरू पोटिला हुनै पाउँदैनन्
किसानहरू
भोक चपाउँछन्
तिर्खा पिउँछन्
र
स्नेहले मिसाउँछन्
अनुभूतिको माटोमा
आफ्नै मुटुले बनाएका
संवेदनाका मलिला कम्पोष्टहरू
बाटो बिराएका फट्याङ्ग्राहरू
हरिया बालामा लोभिन्छन्
र
रङ्ग बदलेर पस्छन्
शब्दको खेतीमा
फट्याङ्ग्राहरू खेती गर्दैनन्
तिनीहरूसँग
कोदालो समाउने हात हुँदैन
गरा सम्याउने दाँत हुँदैन
केवल लामो सूँढ हुन्छ तिनीहरूको
फट्याङ्ग्राहरूलाई
दुधिलो धान असाध्यै मनपर्छ
सावधान !
फट्याङ्ग्राहरू
शब्दको खेतीमा पस्न नपाऊन्।
</poem>