1,224 bytes added,
11:39, 15 जून 2020 {{KKGlobal}}
{{KKRachna
|रचनाकार= इरशाद अज़ीज़
|अनुवादक=
|संग्रह= मन रो सरणाटो / इरशाद अज़ीज़
}}
{{KKCatKavita}}
{{KKCatRajasthaniRachna}}
<poem>
बगत रै रच्योड़ै इतियास रा पाना
जद कदैई उथळूं
म्हनैं हर पानै माथै दीखै तो बस
हंसती दिल्ली
रोंवती दिल्ली
बिल-बिलांतवी दिल्ली
ठाह नीं दिल्ली मांय
कितरी’क
दिल्लियां और रैवै है
सगळां नै लुभावै है
बुलावै है
सुपनां में आवै है
कैवणिया कैवै
लाल किलै आळी दिल्ली
संसद आळी दिल्ली
फलाणी दिल्ली
पण सोचतां कदैई नीं देखी दिल्ली नैं
राजघाट रै होवतां
इतरो हाको क्यूं करै
आ दिल्ली!
</poem>
Delete, Mover, Protect, Reupload, Uploader