1,574 bytes added,
16:11, 25 जनवरी 2022 {{KKGlobal}}
{{KKRachna
|रचनाकार= केदार गुरुङ
|अनुवादक=
|संग्रह=
}}
{{KKCatKavita}}
{{KKCatNepaliRachna}}
<poem>
प्रत्येक मानिस तथा
व्यक्तिको जीवन वा कविता पनि
घुरानमा उम्रेर बेस्याहार फैलिएको
- फर्सीका लहराहरूबाट
जताततै रहरलाग्दा मुन्टा, फूल र गट्टाहरूझैँ
सधैं मौलाएर फैलिने, फुल्ने र फल्ने भए त
धनीलाई हेर्ने रमिता र बेला–बखत मुख फेर्ने
- साधन मात्र भएपनि
गरीबलाई त हरेक छाक टार्ने
सब्जी, मुन्टा र नानीहरूलाई ढाँट्न
कुखुराको फुल जस्तै देखिइने र झुक्किइने
फर्सीको फुलको मीठो र ताजा भाजी
दाल-भात दुवै टार्ने कलिला गट्टाहरू अनि
मान्छेलाई खाजा र गाईलाई खोलेको निम्ति
छिप्पिएको फर्सी कति उपयोगी र महत्वपूर्ण
- हुन्थ्यो होला ?
</poem>