अॻिते ॾिसु / हरूमल सदारंगाणी ‘ख़ादिम’

ड्राईवर!
ड्राईवर!
स्टेअरिंग ते
आईने मां
केसीं ॾिसंदें
गाॾियूं
ट्रकूं
पुठि खां ईंदियूं?

साम्हूं नज़र करि
ट्रैफ़िक ॾे ॾिसु
छा न अढंगी
चाल हलण जी
पियादनि जी
चैपायनि जी!
उन ते
साॼे
खाॿे
फेरा
लाहियूं
चाढ़ियूं
सोढ़ा रस्ता!!
अॻिते ॾिसु
होशियारीअ सां वधु
पुठिते ॾिसी घॿिराइजी वेंदें
साम्हयुनि सां टकराइजी पवंदें...
मोटर भजं/दइ
हॾु गुॾु टुटंदुइ
केरु चए
तूं बचंदें!
मरंदें!