तर्ज़: हाय, हिते आराम नाहे, ते सिवा तुंहिंजो क़समु
थल्ह: जॾहिं पंहिंजे देस जे चीजुनि जो हित संमान हो,
हिन्दु जे हरहिक ॿचे वटि, धर्म जो अभिमान हो।
जॾहिं भारत वर्ष जो चरखो ई मुख-प्रधानु हो,
ऐं निज़ाकत सां समायलु नड़ में मलमल थानु हो।
सब्ज़ साए गाह सां अॻु चमकंदड़ चौगानु हो,
खीर ऐं गिह जे नदियुनि सां महकंदड़ मैदानु हो।
चइनी तर्फ़ चंद्रवंसी राजपूती शानु हो,
देस रक्षा लाइ उन्हनि वटि जोश जो जोलानु हो।
ज्ञान जो प्रकाश जॻ लइ आर्यनि आस्थानु हो,
क्षत्रियुनि जे लाइ सारो ताजु ऐं तूमानु हो।
गैर-कौमुनि, हासिदनि लइ हसरती सामानु हो,
ऐ ‘‘दुखायल’’ दूर देसनि में हिन्दी फ़रमानु हो।