इलाज / मथुरा नाथ सिंह ‘रानीपुरी’

1.
की रंग भाय
जेकरा पैसा नाय
मरै छै आय।

2.
डॉ. तेॅ तरलै
पॉकिट तेॅ भरलै
रोगी मरलै।

3.
डॉ. मालोमाल
फीस लै छै नी टाल
रोगी कंगाल।

4.
कैसनोॅ योग
रोगी रोॅ पैसा आरोॅ
डॉ. करै भोग।

5.
छेकै लाचारी
डॉ. के फीस देखत्हैं
छूटै बीमारी।

6.
डॉ. के ई फीस
रोगी केॅ दिखावै छै
चारो दीस।

7.
छेकै इलाज
रोगी के पैसा पर
डॉ. करै राज।

8.
छेकै नी ओज
फीस करै ई खोज
पैसा केॅ रोज।

9.
डॉ. तरियैलै
रोगी के संगे-साथेॅ
इन्दिरा ऐलै।

10.
डॉ. के ई दाव
पैसा देखै पहिनें
पीछू केॅ घाव।

11.
छेकै इलाज
रोगी रे कबूतर
डॉ. भेलै कबूतर
डॉ. भेलै बाज।

12.
कहोॅ नीतीश
कम होतै कहिया
डॉ. के ई फीस।

13.
करोॅ सलाम
फीस देखिये सुनी
नीन हराम।

14.
देतै के कान
रोगी के पैसा सें ऊ
खोलै दुकान।

15.
कैन्होॅ इलाज
रोगी के पैसा पर
डॉ. करै नाज।

16.
देखोॅ नी भीड़
पैसा लैकेॅ रोजे ऊ
हरै छै पीर।