गोली बकरी उजरी गाय
हिन्दी इस्कुल चल रे भाय
जहाँ मिलै छै शिक्षा ऊँचा
खाली नै पहनाबै टाय
गोली बकरी उजरी गाय
हिन्दू इस्कुल चल रे भाय।
सब इस्कुल के नाम बड़ा छै
अप्पन के तेॅ काम बड़ा छै
जहाँ के शिक्षक लगै बाप सन
मसटरनी लागै छै भाय
गोली बकरी उजरी गाय
हिन्दी इस्कुल चल रे भाय।
इंगलिस इस्कुल में की पढ़ना
जेकरा आबै जेब कतरना
झुटठो रटबै डैडी-हैल्लो
मुरनिंग-फुरनिंग टाटा-बाय
गोली बकरी उजरी गाय
हिन्दी इस्कुल चल रे भाय।