मथो पेट में
ऐं पेटु मथे ते ढोईन्दड़
सफ़ेद सिङनि वारा चूंडियल चालबाज़
ठाहीनि
ऐं डाहीनि पिया इतिहासु चालू दौर जो
पिंगली आज़ादी बणिजी पेई गु़लाम
आज़ादीअ खां पोइ ॼावल
ॼामिड़नि सुल्ताननि जी
नौशहरे खां दिल्नीअ ताईं
इतिहास द्वारा मढ़ियल बे-मक्सद यात्रा दौरान
भिटिकन्दे
पखिड़ियलु पाणु समेटीन्दे
सवें भेरा सामुहूं आयो आहे सुवालु
छा स्कूली नोट-बुक ते
ॾिंगियुनि फिॾियुनि लीकुनि सां
रहिड़ियल ख़ाके खे
सॾिबो आहे देश?
को बि अड़बंगु दबंगु
बिगाड़े
फाड़े फिटो करे सघे जंहिं खे
अहम जे ऐश वास्ते!
रत टिमन्दड़ अखियुनि सां
मूं ॾिठो आहे इतिहासु
टुकिरो टुकिरो थी फाटन्दडु नक़्शो
बून्द बून्द सुकन्दड़ नदी
पनु पनु थी उजिड़न्दड़
पंज हज़ार साल झूनो
बडु!