कर कसर का करणु सिखीं जे हा!
इअं हवा में उॾणु छॾीं जे हा!
रोज़ मेला ऐं रोज़ मेहमानियूं,
ऐॾो ऐॾो न इअं पॾीं जे हा!
केॾा माण्हू मरनि था गोलियुनि सां,
कंहिं न कंहिं खां सबब पुछीं जे हा!
देस बणिजी गरीबख़ानो पियो,
दिल ऐं दांगी भॻल ॾिसीं जे हा!
कि अं लुटियो आहे, कंहिं लुटियो आहे,
पंहिंजे घर जी ख़बर लहीं जे हा!
आग जंहिं एॾी बाहि ॿारी आ,
तूं बि तंहिं ताव खां बचीं जे हा!
चुप लॻी वेई आहि माण्हुनि खे,
तूं बि हासिद की चुप रहीं जे हा!