कवन काठ कर नइया सिरिजवलों, कवन काठ केरुआर,
री दइया, कवने काठ केरुआर।
सेमर काठ कर नइया सिरिजावे, री दइया चनन काठ केरुआर।।१।।
धीरे-खेउ, मधुरे खेउ, मलाह भइया, रसिया जोगिया के जनि करू पार,
रोवेला केवटा मलाहवा, रोवे गहि-घड़िआर,
रोवेला महँगी मछरिया, जोगिया जनि करू पार।।२।।
अगती में जइहें जोगिया अन्तर, बिहने जइहें बड़ी दूर,
री दइया, बिहने जइहें बड़ी दूर।।३।।
जोगिया पठाई धनी जब लवटे, दुअरे गिरेला मुरुझाई।
आँगन घर मोरा लेखे बिजुबन,
री दइया, डहरी त मोर लेखे दइबा परबत।।४।।