विचारको खेती थालेछ कविले
अक्षरको माहुरी पालेछ कविले
छाडेर चहार्न अब मठ-मन्दिर
कस्तो यो क़दम चालेछ कविले
किनेछ फेरि अर्कों नयाँ किताब
पुरानो कोट त्यो टालेछ कविले
के सोचेर कविलाई दिएको इनाम
के सोचेर इनाम फालेछ कविले
राख्तो रै’नछ धेरै अतीत – मोह
जीर्ण परम्परा ‘नि ढालेछ कविले
उज्यालो हेर्न त्यो पुरै बस्ती
घर आफनो बालेछ कविले
बाँकी छदैं खेल्न अन्तिम दृश्य
पर्दा खसाई हालेछ कविले ।