थल्ह:
जवानो हिन्द ऐं सिंध जा कॾहिं मैदान ते ईंदा,
कॾहिं जिन्दु जान पंहिंजी क़ौम जे कदमनि में अर्पींदा,
ॿरे थी आग आज़ादी, घुरे थी कंधु कुर्बानी,
कॾहिं थी मस्त मुहबत में पतंग जां पाणु साड़ींदा।
अखंड आज़ादगी देवी खपर खाली खणी आई,
जवानो पाक रतु हारे, कॾहिं सो पुर करे ॾींदा।
घुरे थी कष्ट जी काली पवित्र खून जी प्याली,
कड़हिं हीअ प्यास प्यासिणिप जी लहूअ सां लाल लाहींदा।
ऐ आईंदह जा अॻवानो सुम्हणु त्याॻियो उथी जाॻो
अव्हीं जाॻिया त जॻु जाॻियो अव्हीं जॻ खे जाॻाईंदा।
समो सुस्तीअ संदो नाहे, ज़मानो कर्म जो आहे,
करमचारी बणी कायरपणे खे कूंध काटींदा।
सनेहो देसमाता जो सलियो दर दर वॾे वाके
अखरु आज़ादगीअ वारो जिते वेंदा तिते नींदा।