२६. सङ्केत
फेरि कति मान्छे मर्ने हुन् ?
तिम्रा सिद्धान्तका लागि
र त गिद्ध मडारिँदै छन् ।
२७. कायर
भो नलखेट अब उसलाई
भाग्दाभाग्दा अब उसले
भाग्नुको कारण बिर्सिसकेको छ ।
२८. जागरण
हामी भुसुक्क निदाएछौँ
गाउँदा गाउँदै देशको गीत
ब्युँझाउने कोही आओस्, कुर्दै छौँ ।
२९. अतिशय
जो मरे चिहानमै छन्
नखोतल्नोस् धेरै,
मरेका पनि ब्युँझिन सक्छन् ।
३० नयाँ वर्ष
क्यालेन्डर फेरियो
जहाँ यो झुन्डिएको छ
किला उही पुरानै छ ।