मुस्कान
खडेरीले जिमीलाई साह्रै सुकाउँछ
झरी परे त्यै जिमीलाई उर्वर बनाउँछ
आँसु पनि त्यस्तै नै हो यो जीवनका लागि
सङ्घर्षमा बाँच्नु पर्छ कहाँ जाने भागी
मेरा लागि ढुकढुक गर्ने मेरो मुटु तिमी
तिमी छैनौ भने छैन मेरो आकाश'जिमी
कैले हुन्थ्यो मलाई भारी मेरो आफ्नै छाया
सारा जीवन काट्ने मन छ बसी दायाँ-बायाँ
ऐले मात्र होइन तिम्लाई पैलेदेखि चिन्छु
मर्नु'बाँच्नु जे परे नि तिम्रै साथ दिन्छु
मेरो जीवन मेरो हुन्न तिम्रो साथ विना
मेरो जीवन तिम्रो नासो हुन्न हिनामिना