खाधी रोॅ नुंगा मँगाय द हो बलम जैबोॅ बजार
ओढ़ना भी खाधिये रोॅ लाय द हो बलम जैबोॅ बजार
खाधी छै गंगा खाधी छै सीता
जाड़ा रोॅ धूप आरु गाँधी रोॅ गीता
गीता सें हियरा जुड़ाय द हो बलम जैबोॅ बजार
खाधी रोॅ नुंगा मँगाय द हो बलम जैबोॅ बजार
खाधी पडूकी खाधी कबूत्तर
लुक्खी रं फुदकै छै रघुवर रोॅ उत्तर
उत्तर के ओढ़ी ओढ़ाय द हो बलम जैबोॅ बजार
खाधी रोॅ नुंगा मँगाय द हो बलम जैबोॅ बजार
खाधी छै दर्शन बापू रोॅ सपना
दर्शन-सुदर्शन छै खाधी रोॅ पखना
सपना में पखना लगाय द हो बलम जैबोॅ बजार
खाधी रोॅ नुंगा मँगाय द हो बलम जैबोॅ बजार
खाधी भिर ‘राज’ छिकै बौना विदेशी
दूरहैं से, झलकै छै, खाधी रोॅ ठेंसी
ठेंसी जे हमरोॅ जगाय द, हो बलम जैबोॅ बजार
खाधी रोॅ नंुगा मँगाय द, हो बलम जैबोॅ बजार