गुस्ताख़ी माफ / अमुल चैनलाल आहूजा 'रहिमी'

साहिब,
असलोकनि गॾहनि जूं हींगूं
अवाम
सड़कुनि ते ॿुधण
नापसंद कयो
इन लाइ
हाणि
नकु़ली गॾहनि
असलोकियूं हींगूं ॾियण वास्ते
शाही हाल में
हिक आम सभा कोठाई आहे
जित अचण खां अॻु
कपहिंजूं वॾियूं वॾियूं वटियूं बि
दावत नामनि सां गॾु ॾिनयूं वेंदयूं आहिन
इन्हीअ ख़ातिर त
अव्हीं मेड़ में अचो ज़रूर
तक़रीर न वणेव त वटियूं बिझजो कनन में
पर वात मां कुझु न कुछिजो
कुझु भी न ॿोलजो
हशाम माण्हुनि जा ॾेखारणि आहिन अॼु लाज़मी
पधारबो ”अन दाता“ अॼोके जलसे में
ग्रांट जी थींदी पधराई
ओट ग्रांट जे
वेंदी ॾिनी अु/ खां
‘अन दाता’ खे शहुरत
ऐं
पिणु संदसि पार्टी प्रचार खे
नारनि सां अवाम ताईं
वेंदो आंदो
घणे घणे चोॼ मां