छयलोॅ, लाठी-महोत्सव छै आय गे
यहेॅ घोरघट रोॅ सच्चा कमाय गे
यही लाठी नें अँगरेजोॅ केॅ भगैलकै
घोरघट रोॅ सगरें पहचान केॅ बनैलकै
देलकै दुश्मन के छक्का छोड़ाय गे
यहेॅ घोरघट रोॅ सच्चा कमाय गे
उन्नीस सौ चौंतिस में गान्धी बाबा ऐलै
सब्भे गाँव वाला केॅ हिरदा जुड़ैलै
देलकै गामोॅ में उत्सव जगाय गे
यहेॅ घोरघट रोॅ सच्चा कमाय गे
मैया कस्तूरबा केॅ साड़ी पिन्हैलकै
धाती पिन्हाय सबके खुशी केॅ गिनैलकै
बोढ़न बाबाँ देलकै लाठी थमाय गे
यहॅे घोरघट रोॅ सच्चा कमाय गे
- - - - - - - - - - - - - - - - - - - - - - - - - - - - - - - -
द्रष्टव्य- ‘लाठी महोत्सव’ दिनांक 24.11.2012 के घोरघट मेॅ आरो आकाशवाणी, भागलपुर द्वारा टाउन हॉल मुंगेर में आयोजित ‘लाठी महोत्सव’ दिनांक 25.11.2014 के कार्यक्रमों में लाठी गीत सें आरंभ आरो घोरघट लाठी-गीत सें अंत करलों गेलै। गायक छेलात आकाशवाणी के गायक कलाकार बलवीर सिंह ‘बग्घा’।
- - - - - - - - - - - - - - - - - - - - - - - - - - - - - - - -