मूं सां पेचु न पाइ ओ राही-मूं सां पेचु न पाइ!
प्रीति त दिल में ई थींदी आ
दिल अखिड़ियुनि खां दूर घणी आ
अखिड़ियुनि में ही प्रेम पसी तूं मुफ़्त न पंहिंजो होश गंवाइ
मूं सां पेचु न पाइ ओ राही-मूं सां पेचु न पाइ!
वार लुॾनि, तड़िफे दिल तुंहिंजी
मुंहिंजी दिल में पर खामोशी
पंहिंजी दिल खे जुल्फ-कंढीअ में, ॼाणी वाणी कीन फ़साइ
मूं सां पेचु न पाइ ओ राही-मूं सां पेचु न पाइ!
मुंहिंजो जोभन मस्तन खे ॾे मस्ती मौज निराली
दिलिड़ियुनि खे बेताब बणाए मुंहिंजी चंचल चाली
मां जे मुशिकां
मस्तु बणायां
हिन मस्तीअ में मौत लिकलु थी, मस्तु न पंहिंजो पाणु बणाइ
मूं सां पेचु न पाइ ओ राही-मूं सां पेचु न पाइ!
चंचलता बेमाना नाहे
दुःख मारी दिल ईअं थी चाहे:
‘तुहिंजे जीवन सां जंहिं खेलियो तूं भी उन खे खूब नचाइ!’
मूं सां पेचु न पाइ ओ राही- मूं सां पेचु न पाइ!
(1943)