Last modified on 17 फ़रवरी 2020, at 12:30

चुल्ला फुण्डा तीर किलै? / बीना बेंजवाल

पाड़ इतगा पीर किलै
धिरगम सरील अधीर किलै
घुण्डा मुण्ड लगीं आग
मुर्दा बण्यूँ धीर किलै?
 नेत्वा भाषणौं सजणा मंच
 हमारि बाच जंजीर किलै
 भैर फुण्डा चुल्ला फुण्ड
चुल्ला फुण्डा तीर किलै?
गळदार भैर वळा मालामाल
निरानिरि हमारु ग्वीर किलै
भाग्य-विधाता हि मठ्यौंणा
भागै हमारि लकीर किलै?
छिमनै छज्जा घिंडुड़्या घोल
घूगु बासणा सतीर किलै
बिसरै भड़्वाती आणि-गाणि
रणभूमि छोड़णा वीर किलै?