ज़िंदगी पन्धु थकल राहुनि जो!
सुबह खां रात ॾे डोड़े हरको!
हर हकीकत खे चवनि कूड़ आहे,
कूड़ जो रंग बि कहिड़ो कहिड़ो!
अॼु जे माण्हूअ खे थियो छा आहे,
वाका वाका या त गूंगो गूंगो!
घुंजु मुंह में ऐं अखियुनि में चिणिंगूं,
वक्त कहिड़ो न बणायो चेहरो!
रिण जी वारी त चुमण जे लाइक,
थो उथे रोज़ जिते वाचूड़ो!
जे मिलनि मुरिक भिनल ख़ामोशियूं,
थी पवे जे़हन बि सरहो सरहो!
वाउ कोसो थो लॻे इअं हासिद,
घर, घिटी, शहर सॼो पॼिरे थो!