जिन्दगी केकरा लेॅ जोगैलोॅ छी
कैन्हें नी डूबी भाँसी गेलोॅ छी
हमरोॅ इतिहास नै बनतै होना
हम्मू गोबरधने उठैलोॅ छी
कोय मानै लेॅ नै तैयार होलै
खुशबू चंदन रोॅ बनी ऐलोॅ छी
आत्मा हमरोॅ छै अभियो गीता
जिल्द सें कत्तो भला मैलोॅ छी
ई कखनियो भी बलि हुवेॅ पारेॅ
हम्में सब पाठे रं चुमैलोॅ छी
अभियो हमरोॅ मनोॅ में रस उपटै
कत्तो पोकत छियै जुवैलोॅ छी
पहिले अमरेन रोॅ गजल सुनलौं
पहिले वार जी भरी अघैलोॅ छी
-3.7.92