तव्हां जुतीअ ऐं मुटुक जे
मेलाप जी कहाणी
रोज़ पढ़न्दा हून्दउ अख़बार में
बुधन्दा हून्दउ रेडियो ते
ऐं ॾिसन्दा हून्दउ टी.वी. अ ते
पर थीन्दो उहोई आयो आ
मुटुकु सिर ते
ऐं जुती पेरनि में
पर दुनिया खे बि
थोरे थोरे वकु़फे़ं बाद
शीरशासन जी धुन सवार थीन्दी आहे
कॾहिं मुटुकु मथे त जुती हेठि
ऐं कॾहिं जुती मथे त मुटुकु हेठि
लेकिनि हर दफ़े
कष्टु मुटुकु ई ॾीन्दो आहे
तंहिंकरे उन जी फ़िाज़त आ, इज़्ज़त आ
जुतीअ जी जे खु़द्दारी जाॻन्दी आ
त उहा किली चुभे
पाण ॾांहुं ध्यानु छिकाईन्दी आ
ऐं पोइ जुतीअ ते पवन्दा आहिनि
-हथोड़ा