जोॻीअड़नि सां जेॾियूं जिंदुड़ी अड़ाई
कहिड़ी वेल आया करे विया जुदाई।।
रहीं ॾींहुं हिकड़ो करे विया मुहब मेलो
अदियूं मुंहिंजी क़िस्मत, जोॻियुनि बणाई
कहिड़ी वेल आया करे विया जुदाई।।
कु़र्ब वारियूं कहाणियूं जोॻी विया ॿुधाए
ओखो पंधि प्यार जो मूखें ख़बर नाहे
हाणे को हीलो नाहे अची थियनि सहाई
कहिड़ी वेल आया करे विया जुदाई।।
करियां सिरु मां सदिको, तिनि तां जान घोरियां
कॾहिं ईंदा अङण में तिनि सां हालु ओरियां
बे-हाल करे ‘निमाणी’ ॾेई विया चरयाई
कहिड़ी वेल आया करे विया जुदाई।।