त्यरि म्यरि च जोड़ी / केशव ध्यानी

त्यरि म्यरि च जोड़ी कैमा न बिंगै<ref>समझना</ref> दे,
सौंजङ्<ref>सहेलियाँ</ref> यौं कि छ्वीं<ref>बातें</ref> छन तू छ्वीं न लगै दे।
इनी छ्वीं लंगौणू मन बोद भारी,
बिस बणलो अमरित स्वी-सै न करै दे।
कैका दिख्याँ मी पर न मारी तु गारी,
मी जनई पँथेरम् पाणी न खले दे।
धौडाँदि द्वफरी<ref>दुपहर</ref> मा बँशुली बजौलो,
तू मोरि बटि भैने कु मुक न पल दे।
कमि आँखि टलपल रर्ग्याट करली,
क्वी पूँछलो आँसू आँख्यौं मा लुकै दे।

त्यरिइ तरौं भलि स्वाणि<ref>सुन्दर</ref> छन तेरि डाँडी,
ज्यू झुरैकी तौकी शोभा न जगै दे।