दाढो दुखियो आहे / लक्ष्मण पुरूस्वानी

अु कूड़ ॻाल्हाइण सवलो थी वियो आहे
सचु ॻाल्हाइण पर दाढो दुखियो आहे

जहिंखे दिसु, दूरियूं दिलिनि में धारे थो
दिल सां दिल खे मिलाइण दाढो दुखियो आहे

मरण मारण लाइ हर को तियार वेठो
जिआरण कहिंखे दाढो दुखियो आहे

दियणु आहे सवलो मगर नसीहतूं
अमल पाण उन लाइ दाढो दुखियो आहे

मुंधो पियो आ हरिको पहिंजे पाण में
वक्त ॿिए लाइ कढणु दाढो दुखियो आहे

भरी पई आ नफ़रत ऐं नाराजगी हर दिल में
प्यार पाइणु कहिंखां दाढो दुखियो आहे

खत्म थी वियो आ भाउ भाउ जो नातो
कसु खाई निभाइण दाढो दुखियो आहे