दिल की दरवाजा / सुभाष चंद "रसिया"

दिल की दरवाजा के खोल के रखिह दलानी में।
हो सईंया बड़ा मजा आवे अब पलानी में॥

टपटप टपकेला सावन के फूहरवा।
घरवा से निक लागे हमके बहरवा।
तनिको सहाला ना जुदाई जवानी में॥
हो सईंया बड़ा मजा आवे दलानी में॥

रात-दिन देखिला रउरे सपनवा।
केतनो मनाई माने नाही मनवा।
सरकेले फुफ्यूटिया जवानी में॥
हो सईंया बड़ा मजा आवे दलानी में॥

बेदर्दी हो गइले हमरे बलमुवा।
केतनो बुलाई आवे नाही गउवा।
अब बोले पपीहरा सिवानी में॥
हो सईंया बडा मजा आवे दलानी में॥