नया साल लानतै, खुशी अपार
सपना सबरोॅ हुवेॅ सकार।
सबरोॅ मनोकामना पुरा हुवेॅ
आपनोॅ लोगोॅ सेॅ जबेॅ होतैं दिदार।
भूखला केॅ रोटी, पियासला केॅ पानी
सबकेॅ मिलेॅ रोजी-रोजगार।
नया साल लानतै खुशी अपार
सपना सबरोॅ हुबेॅ सकार।
घरोॅ-घरोॅ मेॅ ज्ञान रोॅ दीया जरतैं,
दुर भागी जैतैं अन्हार।
देश छेकै आपनोॅ सोना रोॅ चिड़ियाँ,
छै खनीज-सम्पदा रोॅ अकूत भंडार।
आबोॅ मिली केॅ नया साल मनावोॅ,
नया साल मेॅ कामना करै छी।
सुखमय होतै घोॅर परिवार,
नया साल लानतें खुशी अपार।