बच्चा केरोॅ प्यारा चाचा
दुनिया भर के न्यारा चाचा
गाबै धरती हाँसै मौसम
हेनोॅ राजदुलारा चाचा
शांति-कबूतर हुनकोॅ हाथ
प्रेम-गीत सब हुनकोॅ बात
सेवा में भी सच्चा चाचा
बच्चा सब में बच्चा चाचा
सपना कर्ते आँखोॅ में छै
रोय्यां जत्तेॅ पांखोॅ में छै
सब्भे ने मनभावन चाचा
सब रीतु में सावन चाचा
बीतै के दिन बितबे करतै
याद चचा के रहबे करतै
सब अच्छा, सबसें सच्चा
जों छेकै तेॅ नेहरू चाचा
बच्चा केरोॅ प्यारा चाचा
देखोॅ कत्तेॅ न्यारा चाचा।