सर्गस लाइ
तर्ज़: नहीं रखणी, नहीं रखणी सरकार वफादार नहीं रखणी
थल्ह: ना घुरिजे, ना घुरिजे सरकार ज़ालिम ना घुरिजे।
जल्यानवाला बाग़ जे अंदर, मारिया सौ हज़ार,
ज़ालिम ना घुरिजे, ना घुरिजे, ना घुरिजे सरकार ....
बंदि गुज़ारिनि भारतवासी, थी विया छा मुरदार?
ज़ाजिम ना घुरिजे, ना घुरिजे, ना घुरिजे सरकार ....
जाॻण जो आ वक्तु जुवानो, जाॻी थियो हुशियार,
ज़ालिम ना घुरिजे, ना घुरिजे, ना घुरिजे सरकार ....
‘दास’ सचो हो दास मुल्क जो, थी वियो जुल्म शिकार
ज़ालिम ना घुरिजे, ना घुरिजे, ना घुरिजे सरकार ....
लाला लाजपतराइ कयो वियो मौत मथां हस्वार
ज़ालिम ना घुरिजे, ना घुरिजे, ना घुरिजे सरकार ....
समो सुम्हण जो नाहि अज़ीज़ो, भाउर थियो बेदार,
ज़ालिम ना घुरिजे, ना घुरिजे, ना घुरिजे सरकार ....
जंगी जोधा सत्याग्रह लाइ, निकरी थियो निरवार
ज़ालिम ना घुरिजे, ना घुरिजे, ना घुरिजे सरकार ....
आहि अहिंसा क़िलो अव्हां लाइ, ख़ौफ न आ दरकार
ज़ालिम ना घुरिजे, ना घुरिजे, ना घुरिजे सरकार ....
आहि ‘‘दुखायल’’ गांधी प्यारो, भारत जो महंदार
ज़ालिम ना घुरिजे, ना घुरिजे, ना घुरिजे सरकार ....