भन त
कहाँ खोज्यौ ?
आँखामा, सिरानीमा,
निन्द्रामा वा सपनीमा
जहाँ जतासुकै खोजे पनि
मन छाम्न बिर्सियौ शायद तिमीले ।
जहाँ तिमी छौ,
तिमीले खोजेको भए
म पनि त्यहीँ छु !
शाश्वत मान्छे म
मायाको अनादि नियममा बाँधिएकी छु
तिमीले प्रकटरूपमा नसम्झिए पनि
टाँसिइरहेकी छु तिम्रो चेतनामा
लुट्पुटिइरहेकी छु तिम्रो अस्तिस्वमा।
के, तिमीले ध्यान दिएर सुन्यौ
आफ्नो मुटुको ढुक...ढुक
ढुकढुक, ढुकढुक ?
तिम्रो धड्कनमा
यो जो दोहोरो धून छ नि,
हो, त्यो धूनमा धड्किने पछिल्लो ढुक
म नै हुइनँ र ?
००००