की कहै छहो
खाली तोरै में बसै छौं
सचमुच तोंय मानव नै
कि नै जानै छहो
कि कहियो
राक्षसोॅ केरऽ प्राण
कोनो चिड़ैया में
बसै रहै
कि अखनकऽ मानव
तैहाकरऽ राक्षस
के जोरऽके नै छै
जों ऐन्हें छै
तेॅ आबऽ चेष्टा करऽ
चेष्टा सें हटाय केॅ
आपनऽ प्राण
दोसरा में बसाबै लेॅ
आबऽ बसाबऽ आपनऽ प्राण
पर्यावरण में
यहाँकरऽ छिरियैलऽ
गाछ बिरिछ में
आबऽ अलगाबै के पहिनै
वृक्षारोपण के परम्परा डालऽ
आरो
रोपी रोपी केॅ गाछ
पाटी दही सौंसे धरती
तभिये मिलथौं त्राण
तभिये बचथौं प्राण।