धानोॅ के कियारी आरी घूमै छै किसनमां
से झूमी-झूमी ना, हो झूमी-झूमी ना ।
धान काटै छै कटनियाँ
से घूमी-घूमी ना, हो घूमी-घूमी ना ।
धनमा केॅ देखी हिया हरसै किसनमा
के रसी-रसी ना, हो रसी-रसी ना ।
बायरो के साथें-साथें राखै धान कटनियाँ
से मुट्ठी-मुट्ठी ना, हो मुट्ठी-मुट्ठी ना ।
देखी-देखी केॅ किसनमा के फाटै छतिया
से रही-रही ना, हो रही-रही ना ।
कहै छै किसनमां तेॅ बोलै छै कटनियाँ
से रूठी-रूठी ना, हो रूठी-रूठी ना ।
हम्में कल सें काटवौं नैं धनमा
से रिझी-रिझी ना, हो रिझी-रिझी ना ।
होय केॅ लाचार बोलै रे किसनमा
से लीहोॅ-लीहोॅ ना, हो लीहोॅ-लीहोॅ ना ।