बड़ निक लागे संगी
बड़ निक लागे
तोर पाव के पैरी
तोर आंखी के कजरी
तोर माथ के बिंदिया
तोर पाव के बिछिया
बड़ निक लागे।
बड़ निक लागे संगी
बड़ निक लागे
तोर हाथ के चुरी
तोर हार के पुतरी
तोर कान के खिनवा
तोर नवा करधनिया
बड़ निक लागे।
तोर नाक के नथनी
तोर कान के बाली
तोर गुरतुर हे बोली
तोर हाथ के मेहंदी
तोर पाव के माहुर
फबे हे सब्बो जेवर
तोर बेनी के कलगी
बड़ निक लागे संगी
बड़ निक लागे।
तोर काजर कजरेली
तोर सूरत गुलाली
तोर आंखी मतवाली
तोर ओठ सुरुख लाली
तोर हिरनी अस चाली
बड़ निक लागे जहुरिया
बड़ निक लागे।