कोई त आहे
बड़छियुनि सां
जंहिं फाड़ियो आहे उभ जो पेटु
हिन ज़ालिम जो
जंहिं भूंइं जो सीनो साड़ियो हो
हिन खू़नीअ जो
जंहिं सागर जो रतु पीतो हो
ऐं
खूब
मतारो
मच्छु बणिजी
ललिकारियो
मख़लूकात खे हो।
पर हाणि ॾिसो
किअं
रोई रड़ी
ऐं
जिस्म जो
सारो रतु ॾेई
बेहाल
पियो आहे
बे सुर्त...
सागर खु़श आ
उनमें वरियो
हिकु खू़न नओं
हिकु रंगु नओं
मौजुनि मेंनची
टहकनि में अची
थो झुमरियूं पाए छेॼ विझी
धरतीअ जो सीनो सीतल आ
थी
चौॾिस
सुरही हीर लॻे
इन्सान बि घर खां ॿाहर थी
हिन-हुन खे मिली
थो खीकरे।