रखु ज़िंदा तलब जे सदा जोलान खे पंहिंजे
फहलाइ अॻियां कंहिं जे न दामन खे पंहिंजे!
फ़रियाद करण मां न वरियो आहि न वरन्दो
भञु ज़ोर सां बाजुनि जे तूं जं़दान खे पंहिंजे!
दुनिया में ग़लत जेकी सही आहि करणु ठीक
तूफ़ान में आणी न छो अरमान खे पंहिंजे!
थिये जंहिं में वतन जो भलो सा वाट पुछायूं
छो वक़्त विञायूं ॻणे नुक़्सान खे पंहिंजे!
तुंहिंजी ई त बाजु़नि ते करे कोॾ थी दुनिया
मज़दूर कॾहिं समझो अथई शान खे पंहिंजे!
धड़के थी सितमगार जी दिल छाहि सबब? सोच!
मज़बूत रखिजि ‘शाद’ तूं ईमान खे पंहिंजे!