बादलुको दरबारमा पहाडको मेला
बन-डाँडाले गाउँछ सधैँ साँझ-बिहान बेला
ओर्ली आकाश त्यहीँ खेल्छ नानारङ्गी खेला
आरू फूल लजाएको गोरेटो नै भरि
कुहिरोले सास फेर्छ मस्ति छरी छरी
छिल्लिएर घाम सधैँ लुकामारी खेल्छ
नाचीनाची सल्लाघारी यस्तै पोल खोल्छ
स्वर्गको आँगनमा पिरतीको मेला
रानी हिमाल बेहुलीलाई चारै दिशा घेरी
हातेमालो खेल्छ क्षितिज रङ्ग फेरी फेरी
बतासले मीठोमीठो कानेखुशी गर्छ
बिसौनीलाई इन्द्रेणीले दुईटा कथा भन्छ
मायालु संसार यो घामछायाको मेला