ही शहरु
भरियो भाॻियो आहे
नाश्ते में
मखण टोस्ट सां
ॿिनि बेदनि जो आमलेट खाई,
गरमा गरमु काफ़ी पीअन्दो आहे।
ॿिपहरिनि जो
बीयर जी बोतल सां
भुॻलु गोश्तु
ऐं तरियल मछीअ खां पोइ
ज़ाइको बदिलाइण लाइ
थोरो मेवो बि खाई वेन्दो आहे।
रात जो
विस्कीअ जे चुस्कीअ सां
मुर्गे ते हथु साफु़ करे
आईसक्रीम सां हांउ ठारीन्दो आहे
वांदिकाईअ जे घड़ियुनि में
कॾहिं सिनेमा कॾहिं कैबरे
हथनि जी ख़ासिश मिटाइण लाइ
पता या पउं ॿारहं
हफ़्ते में हिकु अधु भेरो
घोड़नि खे गाहु
ऐं ... ... ... ...
खीसो गरमु हुजे
त हर शहरु
भरियो भाॻियो आहे!